#reis

Showing: 7 - 12 of 13 RESULTS
Algemeen

Ons huisie by die see

Ons huisie het ʼn lieflike uitsig op die see, maar ons rits nog elke dag rond in die omgewing. Vandag was ons dag wat ons net vir die see gaan kyk. Ek en Marius het vroeg al om die baai gaan stap met kleintjie.

Image

Teen middagete het die familie gesellig kom kuier vir swem en braai. Almal is af strand toe om te gaan swem en daarna het die Hollanders lekker op die gras gelê en tan.

Image

Arme wolter moes studeer, so hy sit met sy studieboeke en kyk vir die see. Tannie Petra het lekker met Carien gebond en ons het lekker gesels. As mens so ver van mekaar bly is dit tog lekker om ʼn slaggie bietjie te kuier. Sy en Wolter is so 15:00 huis toe, maar Heleen hulle het gebly vir ʼn lekker braai.

Ons het weer bo gaan braai. As ons weer Heroldsbaai toe sou kom sal ek nogal hou van die boonste huisie eerder as die onderste een. Na ete het ek en Heleen foto’s geneem om te kyk of mens kan sien ons is niggies: eers van voor af en toe van die kant. Teen 19:00 moes ons groet. Dit was ʼn gesellige twee dae en jammer dat hulle so ver woon want ons het lekker gekliek.

ImageOns eerste vakansie met Carien het baie goed gegaan. Hopelik die eerste van vele. Ons was mal oor ons huisie op die strand, maar ons albei het erken die tyd op Louise se plaas was lekkerder. Ons siele rus die beste in die bos of by die berge. Die see is vir my onrustig. Ek kan nie ontspan met die konstante gedruis van die branders nie.

Read More
Suid-Afrika

Wilderness & Heroldsbaai

Die tuinroete bly maar mooi. Nadat ons vir Louise en Eben gegroet het is ons deur na Wilderness waar ons net bietije rondgery het. Ons is op teen die berg om na die Kaart van Afrika te kyk. Dit is ʼn bergpunt waar ʼn varswater rivier en ʼn seewater uitloper bymekaar kom. Die rooi in die water is die tanniene van die boomwortels. Die gids vertel die interessante storie van pragtige huise wat op die oewer onder gebou is – hulle was te koop vir 5 miljoen, nou vir 3.5 miljoen. Maar die eienaar kry dit nie verkoop nie want niemand wil hulle verseker teen vloedskade nie.

Image
Kaart van Afrika.
Image
Uitsig oor Wilderness strand

Vandaar is ons Heroldsbaai toe waar ons vir die volgende drie nagte slaap. ʼn Klein selfsorghuisie wat uitkyk op die see. Die huisie (genaamd: Hier is ons weer) het ‘n lieflike uitsig op die see, maar ek is bietjie teleurgesteld in die binnekant vir die prys per nag. Die gordyne het beslis al beter dekades geken.

Nadat ons ingetjek het is ons terug George toe na my tannie Petra waar my nig Heleen en haar boyfriend William uit Nederland kuier. Ons het gesellig saam geëet en gekuier.

Image
Padblokkade op die R404 so paar kilometer voor Heroldsbaai.
Read More